بما اني من عشاق المعكرونه لقيت هاي الوصفه بلنت وحبيت انسخها بس انا بوعدكم اعلمكم كيف بتنعمل افقر معكرونه بعالم واقل وقت بكل معكرونات الدنا بتاخد بطبيخها وهي من اختراعي بس بلحصه الجاي ان شالله يلا اتركم مع هاي المعكرونوصحتين وهنا قبل الاكل
نبدا مع المقادير والطريقة
اولا نحتاج معكرونة اي نوع معكرونة بتحبيه
اسلقي المعكرونة وحطيها بالمصفاية عشان تصفي واتركيها
شغلي الفرن عشان يحمى
تحتاجي الى لحمة مفرومة وبصل ما فى مقادير محدده حسب طبختك
حطي شوية زيت فى القدر واقلي البصل وبعد ما يذبل حطي فوقه اللحمة وحركيهم حتى تستوي اللحمة
بعد ما تستوي اللحمة حطي فوقها المعكرونة المسلوقة وحركيهم شوي حتى يختلطو مع بعض
وبعد ما يختلطو جيبي صلصة الطماطم وحطيها فوقهم
معجون طماطم مع ماء فاترة ذوبيهم ورشي عليهم رشة ملح وحطيهم فوق المعكرونة
بعد ما تحطي الصلصة حركيهم تمام واتركيهم دقيقتين عالنار حتى يغلو شوي
شيليهم عن النار وجيبي صينية فرن ورشي عليها جبنة موزريلا
اسكبي المعكروني بالصينية فوق الجبنة
رشي فوق المعكرونة جبنة ودخليها لفرن
اتركيها لحد ما تحمر الجبنة وطبعا ممكن ما تحمريها اذ ما بتحبي او اتركيها شوي بيضا حسب رغبتك
وبالهناءوالعافيه
__________________
بنت فلسطين