قصيده مؤثرة

اذا لم تشعر بشي ولم ترى الدمعه تريد النزول من عينك

فعلم ان ليس لك قلب حنون على والديك



هذي قصيده أم بعد ان وداها ولدها .....للمصحه (دار العجزه).


أترككم مع ألقصيده

وين أنت يا حمدان أمك تناديك


ورآك ما تسمع شكايا وندايا

يا مسندي قلبي على الدوم يطريك

ما غبت عن عيني وطيفك سمايا

هذي ثلاث سنين والعين تبكيك

ما شفت زولك زاثر يا ضنايا

تذكر حياتي يوم اشيلك واداريك

والاعبك دايم وتمشي ورايا

ترقد على صوتي وحضني يدفيك

ما غيرك احد ساكن في حشايا

واليا مرضت أسهر بقربك واداريك

ماذوق طعم النوم صبح ومسايا

ياما عطيتك من حناني وبعطيك

تكبر وتكبر با الامل يا منايا

لكن خسارة بعتني اليوم وشفيك

واخلصت للزوجه وانا لي شقايا

انا ادري انها قاسيه ماتخليك

قالت عجوزك ما ابيها معايا

خليتني وسط المصحه وانا ارجيك

هذا جزا المعروف وهذا جزايا

يا ليتني خدامه بين اياديك

من شان اشوفك كل يوم برضايا

مشكور يا ولدي وتشكر مساعيك

وادعي لك الله دايم با لهديا

حمدان يا حمدان امك توصيك

أخاف ما تلحق تشوف الوصايا

أوصيت دكتور المصحه بيعطيك

رسالتي واحروفها من بكايا

وان مت لا تبخل على بدعاويك

واطلب لي الغفران ان وهذا رجايا

وامطر تراب القبر بدموع عينيك

ما عاد ينفعك الندم والنعايا

بتسلمي خيتو على مرورك